بھارتی فٹبال متوالوں نے میچز اکٹھے دیکھنے کیلئے گھر ہی خرید لیا

ممبئی (جنگ نیوز) بھارت میں فٹبال کے متوالوں نے ایک ساتھ ورلڈکپ دیکھنے کے لیے پورا گھر ہی خرید لیا۔بھارتی میڈیا رپورٹس کے مطابق ریاست کیرالہ کے شہر کوچی سے تعلق رکھنے والے 17 فٹبال شائقین کے ایک گروپ نے فیفا ورلڈکپ کے میچز ایک ساتھ دیکھنے کے لیے گھر خرید لیا۔کوچی ضلع کے ایک چھوٹے سے گاؤں منڈکاموگل میں 23 لاکھ بھارتی روپے میں فٹبال کے متوالوں نے گھر خریدا تا کہ وہ ایک ہی چھت کے نیچے بغیر کسی پریشانی کے ورلڈکپ کے میچز دیکھ سکیں۔اور اسے ورلڈکپ میں شامل ٹیموں کے جھنڈوں سے سجایا۔ اس کے علاوہ بڑی ٹی وی اسکرین کا بھی بندوبست کیا گیا ہے۔