پاکستان ریلویز نے متعدد مال گاڑیوں کے کرایوں میں کمی کر دی

لاہور (اے پی پی)پاکستان ریلوے نے متعدد مال گاڑیوں کے کرایوں میں کمی کر دی۔ترجمان پاکستان ریلویز کا کہنا ہےکہ کرایوں میں کمی سے ریلوے کے ذریعے مال کی ترسیل کا رجحان بڑھے گا ۔ ترجمان پاکستان ریلویز نے ہفتہ کے روز یہاں میڈیا کو بتایا کہ کرایوں میں کمی کا فیصلہ وزیر ریلویز خواجہ سعد رفیق کی ہدایت پر کیا گیا ہے ۔ انہوں نے کہاکہ کرایوں میں کمی کا نوٹیفیکیشن جاری اور اس کا اطلاق گزشتہ روز سے کردیا گیا ہے۔ترجمان نے مزید کہا کہ کرایوں میں کمی سے ریلوے کے ذریعے مال کی ترسیل کا رجحان بڑھے گا۔