شوگر ملز مالکان کے مطالبات ، وزیر خزانہ نے کل اہم اجلاس طلب کرلیا

اسلام آباد ( آن لائن ) شوگر ملز مالکان کے مطالبات ، وزیر خزانہ نے کل اہم اجلاس طلب کرلیا،متعلقہ وزارت کے حکام اور افسران کو بھی آنے کی ہدایت، پنجاب کے بیشتر شوگر ملز مالکان نے ابتک کرشنگ شروع نہیں کی۔ وزیر خزانہ اسحاق ڈار نے شوگر ملز مالکان کی جانب سے کرشنگ شروع نہ کرنے پر کل ( پیر کو ) اہم اجلاس طلب کر لیاہے ۔ ذرائع شوگر ملز ایسوسی ایشن کا کہنا ہے کہ اب تک 45میں سے صرف 8ملز نے کرشنگ شروع کی ہے، اگر ملیں چلاتے بھی ہیں تو دو ہفتے بعد بند ہو جائیں گی،وفاقی وزیر خزانہ اسحاق ڈار نے شوگر ملز مالکان کے مطالبات اور معاملے کے حل کے لئے کل پیر کے روز اہم اجلاس طلب کرلیا ہے ،اجلاس میں متعلقہ وزارت کے حکام اور افسران کو بھی طلب کرلیا گیا ہے ۔