نائیجیریا میں مسلح افراد کے حملے سے 15افراد ہلاک

27 نومبر ، 2022

لاگوس (اے پی پی):نائیجیریا کے شمالی علاقے میں مسلح افراد کے حملےکے نتیجے میں 15افراد ہلاک اور 11دیگر زخمی ہوگئے ہیں۔چینی خبررساں ادارے کے مطابق نائیجیریا میں داخلی سلامتی اور امور داخلہ کے کمشنر سیموئل ارووان نے میڈیا کو بتایا کہ نامعلوم مسلح افراد نے ریاست کدونا کے4 دیہات میں حملہ کر کے 15 افراد ہلاک جبکہ 11 دیگر زخمی کر دیا ہے۔انہوں نے مزید بتایا کہ حملہ آوروں کا مقصد دیہاتیوں سے مال مویشی اور رقم ہتھانا تھا ۔واضح رہے کہ نائیجیریا کے کچھ حصوں میں مسلح حملے ایک بنیادی سکیورٹی خطرہ رہے ہیں، جس کے نتیجے میں ہلاکتیں اور اغوا ہو رہے ہیں۔