کراچی (طاہر عزیز) پیپلز پارٹی اور متحدہ قومی موومنٹ پاکستان کے درمیان معاملات حتمی شکل اختیار کرتے جا رہے ہیں اور یہ توقع کی جا رہی ہے کہ10دسمبرتک بلدیہ عظمیٰ کراچی اور تین ڈسٹرکٹ میونسپل کارپوریشن میں ایم کیو ایم کی مرضی سے ایڈمنسٹریٹر تعینات کردیئے جائیں گے، باخبر ذرائع کے مطابق یہ بات حتمی طور پر طے پا گئی ہے کہ بلدیہ عظمیٰ کراچی اور تین ڈسٹرکٹ میونسپل کارپوریشن کا نظم و نسق ایم کیو ایم کے حوالے کیا جائے گا جہاں وہ اپنی مرضی کے ایڈمنسٹریٹر، میونسپل کمشنر اور افسران کو تعینات کرسکیں گے‘اس سلسلے میں متعدد میٹنگز ہوچکی ہیں اور گورنر سندھ کامران ٹیسوری ان میٹنگز میں دونوں فریقین کو رضامند کرنے میں مرکزی کردار ادا کر رہے ہیں،باخبر ذرائع سے یہ بھی پتہ چلا کہ اگر متحدہ قومی موومنٹ نے سیاسی شخصیت کو ایڈمنسٹریٹر کے طور پر تعینات کیا تو اس کے لئے سابق ایم این اے عبدالوسیم کا نام لیا جا رہا ہے جبکہ سرکاری افسران میں ڈاکٹر سیف الرحمن، لئیق احمد اور دیگر شامل ہیں، متحدہ قومی موومنٹ کے سرکردہ رہنماء بھی اب یہ کہتے ہوئے نظر آرہے ہیں کہ اگلے دس روز میں ان کی مرضی سے ایڈمنسٹریٹر کراچی کو تعینات کردیا جائے گا‘اسی طرح میونسپل کمشنر سید افضل زیدی کو بھی کے ایم سی سے فارغ کئے جانے کا امکان ہے اور توقع کی جا رہی ہے کہ ان کی جگہ بھی ایم کیو ایم کی مرضی سے میونسپل کمشنر تعینات کیا جائے گا،باخبر ذرائع سے یہ بھی معلوم ہوا ہے کہ بلدیاتی اداروں میں بڑے پیمانے پر ٹرانسفر پوسٹنگ شروع ہونے جا رہی ہے جس کے باعث افسران مخمصے کا شکار ہیں اور ہر افسر اپنی لابی مستحکم کرنے میں مصروف ہے تاکہ وہ آنے والے سسٹم کا ایک بار پھر حصہ بن سکیں ، کئی افسران نے ڈسٹرکٹ میونسپل کارپوریشن میں ایڈمنسٹریٹر اور میونسپل کمشنر بننے کے لئے تگ و دو شروع کی ہوئی ہے جس کے لئے وہ اکثر و بیشتر سندھ سیکریٹریٹ اور مختلف وزراء کے گھروں کے چکر لگاتے ہوئے نظر آرہے ہیں، بہت سے افسران ایسے ہیں جو متحدہ قومی موومنٹ پاکستان کے عارضی مرکز بہادرآباد میں بھی دیکھے جا رہے ہیں تاکہ ایم کیو ایم کی مرضی سے آنے والے ایڈمنسٹریٹر کراچی کی ٹیم کا حصہ بن سکیں، بعض ایسے افسران جو اس وقت پوسٹوں پر تعینات نہیں ہیں انہیں ایم کیو ایم کی قیادت نے آن بورڈ لے لیا ہے اور انہیں یقین دلایا ہے کہ ایڈمنسٹریٹر کے تعینات ہوتے ہی انہیں ان کی پسند کی پوسٹ پر تعینات کردیا جائے گا۔
کراچی امریکی محکمہ خارجہ کے ترجمان میتھیو ملر نے کہا ہے کہ پاکستان کے توانائی کے بحران سے نمٹنے میں مدد کرنا...
اسلام آباد وفاقی کابینہ کا ملتوی شدہ اجلاس اب جمعہ کو ہوگا۔ اجلاس میں ملکی سیکیورٹی اور معاشی صورتحال کا...
اسلام آباد صدر آصف علی زرداری اپریل کے تیسرے ہفتے میں پارلیمنٹ کے مشترکہ اجلاس سے خطاب کریں گے۔ اس موقع پر...
اسلام آباد برطانوی ہائی کمشنر مس جین میریٹ نے کہا ہے کہ موسمیاتی تبدیلیوں میں پاکستان کا کردار کم مگر...
اسلام آباداسلام آباد ہائی کورٹ نے وفاقی دارالحکومت کی انتظامیہ کو تحریک انصاف کو 30 مارچ کے جلسے کی اجازت...
لاہور انکم ٹیکس ریٹرن جمع نہ کروانے اساتذہ ایف بی آر کے ریڈار پر آگئے،سال 2023گوشوارے جمع نہ کروانے والے...
اسلام آباد صدر مملکت آصف علی زرداری نے چین کے سفار خانے کا دورہ کیا اور بشام میں ہونے والے دہشت گردی کے...
اسلام آباد پاکستان میں گیس کی تر سیلی کا نظام شدید دباؤ میں ہے ۔ جس کی بنیادی وجہ اقتصادیات کے مختلف شعبوں...