لندن (سعید نیازی) انگلینڈ میں سیلف آئسولیشن کی مدت5روزکردی گئی،جس کا اطلاق پیر سے ہوگا۔ ہیلتھ سیکرٹری ساجد جاوید نے کہا ہے کہ دو تہائی کیسز پانچویں روز متعدی نہیں رہتے ، پانچویں اور چھٹے روز کوویڈ ٹیسٹ کا نتیجہ منفی آنے پر سیلف آئسولیشن ختم کی جاسکے گی، ملک گزشتہ برس کی نسبت زیادہ محفوظ ہے،آئسولیشن مدت میں کمی سے کاروباری وتعلیمی سرگرمیاں بڑھیں گی۔ دوسری جانب شیڈو ہیلتھ سیکرٹری ویس سٹریٹنگ نے سیلف آئسولیشن کی مدت میں کمی کے فیصلے کا خیر مقدم کیا ہے۔ تفصیلات کے مطابق انگلینڈ میں سیلف آئسولیشن کی مدت سات سے کم کرکے پانچ روز کر دی گئی ہے۔ ہیلتھ سیکرٹری ساجد جاوید نے پارلیمنٹ میں بیان دیتے ہوئے کہا کہ پانچویں اور چھٹے روز کوویڈ ٹیسٹ کا نتیجہ منفی آنے پر سیلف آئسولیشن ختم کی جاسکے گی۔ نئے قواعد کا اطلاق پیر سے ہوگا۔ ساجد جاوید نے کہا کہ یوکے ہیلتھ و سیکورٹی ایجنسی کے مطابق دو تہائی کیسز پانچویں روز کے آخر تک متعدی نہیں رہتے اور آئسولیشن کی مدت کم ہونے سے معاشی اور تعلیمی سرگرمیوں کو فروغ ملے گا۔ واضح رہے کہ آئسولیشن کے قواعد کے سبب این ایچ ایس، ٹرانسپورٹ اور ایجوکیشن سمیت دیگر سیکٹرز کو بھی ورکرز کی کمی کا سامنا ہے۔ ساجد جاوید نے کہا کہ لندن اور سائوتھ ایسٹ میں انفیکشن کی سطح میں کمی آرہی ہے اور توقع ہے کہ ابھی مزید چند ہفتوں تک این ایچ ایس پر دبائو برقرار رہے گا۔ ملک گزشتہ برس کی نسبت زیادہ محفوظ ہے لیکن وائرس ابھی ختم نہیں ہوا ہے۔ 91 فیصد بالغ افراد کو بوسٹرڈوز لگایا جا چکا ہے۔ شیڈو ہیلتھ سیکرٹری ویس سٹریٹنگ نے سیلف آئسولیشن کی مدت میں کمی کے فیصلے کا خیر مقدم کیا ہے۔
مقبوضہ بیت المقدس اسرائیلی پولیس نے مسجد اقصی میں یہودیوں کی قربانی کیلئے لائی گئیں بھیڑ بکریاں ضبط کر...
جیکب آباد جیکب آباد پولیس نے ایرانی ڈیزل و پیٹرول اسمگلنگ کی کوشش ناکام بناکر 2400 لیٹر ایرانی ڈیزل برآمد...
راولپنڈی ملائیشیا میں بحریہ کے 2 ہیلی کاپٹر فضا میں ٹکرانے سے10افراد ہلاک ہوگئے۔ ملائیشین بحریہ کے مطابق...
اسلام آباد نائب امیر جماعت اسلامی، مجلسِ قائمہ سیاسی قومی امور کے صدر لیاقت بلوچ نے کہا ہے کہ پاکستان،...
راولپنڈی سابق وزیراعظم شاہد خاقان عباسی نے کہا ہے کہ میرا خیال ہے دو تین سال اور گزرے تو نیب سے ہمیں پنشن لینا...
اسلام آباد وفاقی وزیر برائے توانائی سردار اویس احمد خان لغاری پاکستان بزنس کونسل کی تمام پیش کردہ سفارشات...
اسلام آباد صدر مملکت آصف علی زرداری نے دیگر ممالک کے ساتھ پاکستان کے فضائی روابط کو فروغ دینے کی ضرورت پر...
راولپنڈی وفاقی وزراء اعظم نذیر تارڑ اورعطاء تارڑ نےکہا ہےہے حکومت کو اپنی ذمہ داریوں کا مکمل احساس ہے، لاپتہ...