میر پور (جنگ نیوز) عالمی ادارہ خوراک وزراعت، اسلام آباد کے مشن نے ضلع میرپور کا دورہ کیا۔مشن نے محکمہ لائیوسٹاک اینڈ ڈیری ڈویلپمنٹ کے انفراسٹرکچر اور سروسز کی فراہمی کے معیار کا جائزہ لیا۔ تفصیلات کے مطابق عالمی ادارہ خوراک و زراعت کے نمائندہ مشن کے جنوبی آزادکشمیر کے دوروزہ وزٹ کے دوران ڈاکٹر محمد افضل،تمغہ امتیاز،ایف ایم ڈی مینجمنٹ سپیشلسٹ نے محکمہ لائیوسٹاک کو دستیاب وسائل،محکمہ کی کارکردگی اور درپیش مشکلات کا جائزہ لینے کے لئے ضلع میرپور کا تفصیلی دورہ کیا۔ انہوں نے دفتر ایڈیشنل ڈائریکٹر انیمل ہیلتھ/وٹرنری سروسز میں محکمہ کے ضلعی وفیلڈوٹرنری آفیسران کے ہمراہ میٹنگ منعقد کی اور محکمہ کی مختلف سرگرمیوں اور جاری ترقیاتی منصوبہ جات اور درپیش مسائل سے متعلق بریفنگ لی۔ میٹنگ میں ڈاکٹرخالد قیوم بٹ ایڈیشنل ڈائریکٹرانیمل ہیلتھ/وٹرنری سروسز،ڈاکٹر مجاہدیونس ڈسٹرکٹ لائیوسٹاک اینڈ پولٹری ڈویلپمنٹ آفیسر، ڈاکٹر توقیر احمد قریشی اسسٹنٹ ڈیزیز انویسٹیگیشن آفیسراور سلیمان احمد خلجی معاون ناظم مصنوعی نسل کشی نے اپنے اپنے شعبہ سے متعلق بریف کیا۔فیلڈ وٹرنری آفیسران نے فیلڈ میں درپیش مسائل سے آگاہ کیا۔ بعد ازاں انہوں نے ضلعی تشخیصی لیبارٹری، گورنمنٹ پولٹری فارم چکساگر،سیمن پروڈکشن یونٹ چکساگر،شفاخانہ حیوانات میرپوراور شفاخانہ حیوانات اسلام گڑھ کا معائنہ کیا۔ انہوں نے ضلع میرپور کے مختلف علاقوں بلاہ،اسلام گڑھ اور چکسواری میں ڈیری لون پراجیکٹ کے تحت قائم ڈیری فارمزاور فیڈلاٹ فیٹننگ پروگرام کے تحت قائم فیٹننگ فارمز کا بھی معائنہ کیا اور محکمہ کی فیلڈ کارگزاری کا موقع پر مشاہدہ کیا۔ دورہ سے متعلق اپنے تاثرات بیان کرتے ہوئے انہوں نے کہا کہ آزادکشمیر کا خطہ وسائل سے مالامال ہے اور بالخصوص جنوبی آزادکشمیر میں لائیوسٹاک کا بیحد پوٹینشل موجود ہے۔ ضرورت اس امر کی ہے اس سیکٹر کوترقی دئیے جانے کے لئے اقدامات کئے جائیں تاکہ ان وسائل سے بھرپور استفادہ حاصل کیا جاسکے۔ انہوں نے اس عزم کا اظہار کیا کہ وہ آزادکشمیر میں لائیوسٹاک سیکٹر کی ترقی کے لئے حکومت آزادکشمیر کو جامع تجاویز پیش کریں گے۔
کھائیگلہ چیئرمین ضلع کونسل پونچھ سردار جاوید شریف ایڈووکیٹ نے کھا ئی گلہ کے مقامی ہوٹل پر بلدیاتی نمائندوں...
سرینگر بھارت کے غیر قانونی زیر تسلط جموں و کشمیر میں بجلی کی مسلسل بندش اور بلوں میں اضافے کے خلاف سرینگر میں...
سری نگر مقبوضہ کشمیر میں بھارتی ایوان زیرین لوک سبھا کی 5 نشستوں کے لیے بی جے پی کا کوئی امیداوار میدان میں...
میرپورسابق امیدوار اسمبلی ڈاکٹر عشرت سجاد نے کہا ہے کہ مودی الیکشن میں کامیابی حاصل کرنے کیلئے کشمیری عوام...
مظفرآبادسپیکر قانون ساز اسمبلی آزاد کشمیر چوہدری لطیف اکبر نے کہا ہے کہ تحریک آزادی کشمیر ہم سب کی ترجیح...
میرپور تحریک انصاف خواتین ونگ کی ضلعی جنرل سیکرٹری فوز یہ بٹ نے کہا ہے کہ عمران خان کو جعلی اور بوگس کیسز میں...
راولپنڈی وزیر برائے جموں و کشمیر لبریشن سیل امتیاز نسیم نے چوہدری غلام عباس کی خدمات کو خراج عقیدت پیش کرتے...
مظفرآباد/سعودی عرب آل جموں وکشمیرمسلم کانفرنس کے صدر وسابق وزیراعظم سردار عتیق احمدخان نے کہا ہے کہ مسلم...