صدر آزادکشمیر سے ایم سی ایچ ٹیکنیشن کے وفد کی ملاقات،مسائل سے آگاہ کیا

مظفرآباد (نمائندہ جنگ) صدر آزادکشمیر بیرسٹر سلطان محمود سے ایم سی ایچ ٹیکنیشن ایسوسی ایشن کی مرکزی عہدے داران چیئرپرسن مصبا ح ارم، مرکزی صدر فوزیہ جبین ،مرکزی سیکرٹری جنرل راشدہ عالم کی قیادت میں وفد نے ملاقات کی۔ وفد میں ضلعی صدر میرپور ناہید رحمان، ضلعی جنرل سیکرٹری عذ را بلقیس ،ضلعی سیکرٹری مالیات سعیدہ فیروز،ضلعی صدر بھمبر بشری نور،ضلعی صدر کوٹلی ساجدہ توصیف،ضلعی جنرل سیکرٹری شمیم بسمل ،سیکرٹری مالیات بشریٰ ، نائب صدر شمائلہ ، فرزانہ مجید ،روبینہ اقبال ،ضلع نائب صدر پونچھ شاہیں اختر،ضلعی صدر باغ حریفہ بیگم،سلمیٰ سمیت دیگر بھی شامل تھیں۔ وفد نے صدر آزادکشمیر کو سکیل اپ گریڈیشن ، تنظیمی معاملات، سروس سٹرکچر بارے تفصیلی طور پربریفنگ دی۔ وفد نے ایم سی ایچ ٹیکنیشن کو گریڈ 12 دینے جانے کے اعلان کا خیر مقدم کرتے ہوئے صدر آزادکشمیر کاشکریہ ادا کیا۔ اس موقع پر وفد نے صدر آزادکشمیر سے اپ گریڈیشن کا نوٹیفکیشن جاری کروانے کی استدعا کی گئی۔ بیرسٹر سلطان محمود چوہدری نے وفد کو یقین دلایا کہ سیکرٹری مالیات کو دفتر بلا کر تمام معاملات یکسو کیے جائیں گے۔ ایم سی ایچ ٹیکنیشن کے سکیل اپ گریڈ کیے جانے کے صدارتی اعلان پر مکمل عملدرآمد ہو گا۔ وفد نے اس موقع پر ذاتی دلچسپی لینے پرصدر آزادکشمیر کا شکریہ ادا کیا۔