پیپلز پارٹی پوری قوت سے انتخابی میدان میں اترے گی، نور صابر

سیری (نمائندہ جنگ) پاکستان پیپلز پارٹی آ زا د کشمیر کی تحصیل کھوئی رٹہ کی صدر نور صابر ایڈووکیٹ نے کہاکہ پاکستان پیپلز پارٹی آ زاد کشمیر پوری قوت و حکمت عملی کے ساتھ میدان میں اترے گی۔ آنے والا دور اقتدار پاکستان میں پیپلز پارٹی کا ہے اور پیپلز پارٹی چیئر مین پاکستان پیپلز پارٹی بلاول بھٹو زرداری کی قیادت میں بھاری اکثریت سے کامیابی حاصل کرے گی۔ ان خیالات کا اظہار نور صابر ایڈووکیٹ نے کھوئی رٹہ کے صحافیوں سے بات چیت کرتے ہوئے کیا۔ انہوں نے کہا کہ پاکستان پیپلز پارٹی کا مستقبل روشن ہے موجود حکومت پاکستان تحریک انصاف عوامی مسائل حل کرنے منہگائی بے روزگاری اور عوام کو انصاف کی فراہمی میں مکمل طور پر ناکام ہو چکی ہے۔ پاکستان کی عوام تحریک انصاف کی حکومت سے تنگ آ چکی ہے۔ مسلم لیگ ن کی قیادت بیرون ملک جاچکی ہے اور پاکستان کی عوام کی نظریں اس وقت پاکستان پیپلز پارٹی اور بلاول بھٹو زرداری اور آصف علی زرداری پر ہیں۔ وہی اس وقت عوام کو موجود حالات اور مشکلات سے نکال سکتے ہیں۔