ترکمانستان میں  50برس سے بھڑکنے والی آگ بجھانے کا حکم

اشک آباد ( نیوز ڈیسک) ترکمانستان کے صدر قربان قلی بردی محمدوف نے ’جہنم کا دروازہ‘کے نام سے مشہور آگ کے گڑھے کو بند کرنے کاحکم دے دیا۔ دارالحکومت اشک آباد سے 260 کلومیٹر دور صحرائے قراقم میں واقع اس گڑھے میں 50 سالوں سے آگ جل رہی ہے ۔ اسے 1971 ء میں سوویت یونین کے ڈرلنگ آپریشن کے دوران بنایا گیا تھا۔ ماہرین ارضیات قراقم کے صحرا میں تیل کی تلاش کے لیے کھدائی کر رہے تھے کہ وہاں گیس دریافت ہوئی لیکن زمین دھنسنے سے گڑھا پڑ گیا۔