خادم حسین کی مشیر صدرآزاد کشمیر تعیناتی احسن ہے،چوہدری عظیم

برمنگھم (ابرار مغل) کشمیر فورم برطانیہ کے چیئرمین و سابق صدر کشمیر رابطہ کمیٹی چوہدری محمد عظیم نے کشمیر پی ٹی آئی مڈلینڈ کے سابق صدر چوہدری خادم حسین کے اعزازی مشیر برائے مڈلینڈ صدر آزاد کشمیر تعیناتی کا خیر مقدم کرتے ہوئے کہا کہ چوہدری خادم حسین نے ہمیشہ صدر ریاست بیرسٹر سلطان محمود چوہدری کا ساتھ دے کر محنتی سیاسی کارکن ہونے کا ثبوت دیا ہے۔ برطانیہ میں مسئلہ کشمیر کو اجاگر کرنے کیلئے بھی چوہدری خادم حسین ہمیشہ پیش پیش رہے ہیں، چوہدری محمد عظیم نے کہا کہ برطانیہ میں تعینات ہونے والے اعزازی مشیر اوورسیز کمیونٹی کو درپیش مسائل کے حل کیلئے اپنا کردار ادا کریں۔ دریں اثناء کشمیر رابطہ کمیٹی کے دیگر رہنمائوں چوہدری حنیف، حافظ فضل احمد قادری نے بھی چوہدری خادم حسین کی تعیناتی کا خیرمقدم کیا ہے اور توقع ظاہر کی ہے کہ چوہدری خادم حسین ماضی کی طرح ہمیشہ اپنے بہترین اخلاق و کردار سے کمیونٹی کی فلاح و بہبود کیلئے کام کریں گے۔