تحریک انصاف سوئٹزرلینڈ کی منتخب باڈی کا آن لائن اجلاس

سٹاک ہوم ( کاشف عزیز بھٹہ ) تحریک انصاف سوئٹزرلینڈ منتخب باڈی کا پہلا آن لائن اجلاس منعقد ہوا جس میں پی ٹی آئی سوئٹزرلینڈ ایگزیکٹو ٹیم کے علاوہ نومنتخب عہدیداران نے شرکت کی، اجلاس کا آغاز میاں عقیل احمد کی تلاوت قرآن پاک سے ہوا، پی ٹی آئی سوئٹزرلینڈ منتخب باڈی کے صدر چوہدری مستنصر اقبال نے اجلاس کے اغراض و مقاصد بیان کرتے ہوئے کہا کہ اجلاس کا مقصد تمام نو منتخب عہدیداران کا ایک دوسرے سے تعارف کرانا اور وزیراعظم پاکستان عمران خان اور تحریک انصاف کے نظریہ کو سوئٹزرلینڈ میں عام کرنا ہے تمام ایگزیکٹو کمیٹی اور نومنتخب عہدیداران کی باہمی مشاورت اور غور و خوض کے بعد پی ٹی آئی سوئٹزرلینڈ کے چیئرمین فیصل شفیق کا کہنا تھا کہ میں سب سے پہلے تمام منتخب باڈی اور نومنتخب عہدیداران کو آن لائن اجلاس میں خوش آمدید کہتا ہوں اور شرکت پر شکریہ ادا کرتا ہوں تمام ایگزیکٹو ٹیم اور نومنتخب عہدیداران کی باہمی مشاورت اور غور و خوض کے بعد یہ طے پایا ہےکہ جلد سوئٹزرلینڈ بھر میں ضلعی کمیٹیاں تشکیل دی جائیں گی اور زیادہ سے زیادہ اوورسیز کو تحریک انصاف میں شامل ہونے کی دعوت دی جائے گی، آخر میں سانحہ مری میں جاں بحق افراد کیلئے فاتحہ خوانی اور دعائے مغفرت کی گئی۔ شرکاء اجلاس نے جاں بحق افراد کے سوگوار خاندان کے ساتھ اظہار ہمدردی اور دلی تعزیت بھی کی ۔اجلاس میں ایگزیکٹو اور نومنتخب عہدیداران فیصل شفیق ،چوہدری مستنصر اقبال،علی خواجہ ،ذوالفقار احمد، عقیل احمد میاں ،ذیشان حیدر گیلانی ، لبنیٰ جٹ، محمد اکبر چوہان،ملک پرویز،ملک ظفر ،اختر شاہ،شبیر چیمہ اور دیگر شریک تھے۔