جونیجو ٹاؤن، قالین کے گودام میں آگ، لاکھوں روپے کا سامان خاکستر

14 جنوری ، 2022

کراچی (اسٹاف رپورٹر) قیوم آباد بلوچ کالونی جونیجو ٹائون میں واقع قالین کے گودام میں اچانک آگ بھڑک اٹھی جس کے نتیجے میں گودام میں موجود لاکھوں روپے کے قالین اور سامان خاکستر ہو گیا،تاہم کوئی جانی نقصان نہیں ہوا،اطلاع ملنے پر فائر بریگیڈ نے موقع پر پہنچ کر 9 گاڑیوں کی مدد سے ایک گھنٹے کی جدوجہد کے بعد قابوپالیا، علاقہ مکینوں نے اپنی مدد آپ کے تحت آگ پر قابو پانے کی کوشش کی تاہم ناکامی پر فائر بریگیڈ کو طلب کر لیا گیا ،فائر بریگیڈ نے آپریشن کے دوران اطراف میں قائم دیواروں کو توڑ کر بھی راستہ بنایا، فائر آفیسر کے مطابق رہائشی علاقے میں گودام ہونے کی وجہ سے آگ بجھانے میں مشکلات کا سامنا کرنا پڑا،کسی ممکنہ خطرے کے پیش نظر اطراف میں قائم رہائشی عمارتوں کو بھی خالی کر الیا گیا تھا ، آگ لگنے کی وجہ فوری معلوم نہیں ہو سکی ہے۔