پولیس سے مبینہ مقابلوں میں زخمی سمیت 5 ملزمان گرفتار، اسلحہ، موٹرسائیکلیں برآمد، اسٹریٹ کرائم کی وارداتوں میں ملوث ہیں، پولیس

کراچی (اسٹاف رپورٹر)ایس آئی یو پو لیس نے مبینہ مقابلے میں بینکوں / اے ٹی ایم کے باہر ڈکیتیوں، دیگر اسٹریٹ کرائمز اور پولیس مقابلے میں ملوث گروہ کےزخمی محمد عامر ، نعمان، سہیل اور صابر رحمان کوگرفتار کر کے اسلحہ اور2موٹر سائیکلیں برآمد،کرلیں ، علاوہ ازیں اے وی ایل سی پولیس نے گلشن معمار موڑ کےقریب مبینہ مقابلے میں مو ٹر سائیکل، کاریں چھیننے کی وارداتوں میں ملوث گینگ کے سرگرم کا رند ے علی اکبر عرف سعید ابڑو کو زخمی حالت میں گرفتار کر لیا ،جبکہ ساتھی ملزمان اشرف، حا مد اوریاسر فرار ہو گئے، پولیس نے ملزم کے قبضے سے 2مو ٹر سائیکل اور ایک پستول بر آمد کر لیا،اشرف، حا مد اوریاسر فرار ہو گئے ، پولیس کا کہنا ہے کہ زخمی ملزم اس سے پہلے بھی اے وی ایل سی کے ہا تھوں گرفتار ہو چکا ہے۔ جس کا سابقہ ریکا ر ڈ مو جود ہے۔