گذشتہ برس کامیابیوں کا اعتراف، پاکستانی کرکٹ ٹیم کیلئے آج تقریب

کراچی ( اسٹاف رپورٹر) پاکستان کرکٹ بورڈ کے چیئرمین رمیز راجہ کی جانب سے قومی کرکٹ ٹیم کے اعزاز میں جمعے کو تقریب کا انعقاد کیا جائے گا۔ ذرائع کے مطابق تقریب میں ٹی ٹوئنٹی ورلڈکپ کھیلنے والے کرکٹرز مدعو ہوں گے ۔ تقریب کا مقصد میگا ایونٹ میں قومی ٹیم کی کارکردگی کا اعتراف ہے ، اس دوران پلیئرز کو نقد انعامات سے نوازا جائے گا۔ ذرائع کا کہنا ہے کہ ورلڈکپ کھیلنے والے 15 کرکٹرز کپتان بابر اعظم، شاداب خان (نائب کپتان)، آصف علی، فخر زمان، حیدر علی، حارث رئوف، حسن علی،عماد وسیم، محمد حفیظ، محمد نواز، محمد رضوان، محمد وسیم جونیئر، سرفراز احمد، شاہین شاہ آفریدی اور شعیب ملک کے ساتھ عابد علی اور ساجد خان سمیت تین ٹریول ریزرو بھی مدعو ہونگے۔ پاکستان کرکٹ ٹیم نے2021میں نو میں سے سات ٹیسٹ ،29 میں سے 20 ٹی ٹوئنٹی انٹرنیشنلز اور چھ میں سے دو ایک روزہ بین الاقوامی میچز جیتے تھے۔