کوٹ ادو :پیش امام کی 6سالہ بچے سے زیادتی، ملزم گرفتار

14 جنوری ، 2022

کوٹ ادو(نامہ نگار) کوٹ ادو کے نواحی علاقہ میں 6سالہ بچے کو مدرسے میں معلم نے زیادتی کا نشانہ بنا ڈالا،چن والا کا رہائشی عبدالستار موہانہ ریلوے سٹیشن محمودکوٹ کی بلال مسجد میں پیش امام ہے،گزشتہ روز دیہاتی محمد شہزاد کلاسرہ کا6 سالہ بیٹارجب علی پڑھنے گیا اور شام 4بجے تک واپس نہ آیا۔عبدالستار بچے کو ورغلا کر مسجد کے اندر لے گیا اور زیادتی کا نشانہ بنا ڈالا۔ بچے کے شور پر علاقے کے لوگ جمع ہوگئے اور مدرس کو پکڑ کر پولیس کے حوالے کردیا۔پولیس نے بچے کے والد کی رپورٹ پر مقدمہ درج کرکے ملزم کو حوالات میں بندکردیا ہے۔