پیپلز پارٹی کی متعصب حکومت نے شہریوں کو اسٹریٹ کرمنلز کے حوالے کر دیا،رابطہ کمیٹی

کراچی( اسٹاف رپورٹر)ایم کیوایم پاکستان کی رابطہ کمیٹی نے کراچی میں تیزی سے بڑھتے ہوئےاسٹریٹ کرائمز پر گہری تشویش کا اظہار کرتے ہوئے کہا ہےکہ پیپلز پارٹی کی متعصب سندھ حکومت نے شہریوں کو اسٹریٹ کرمنلز کے حوالے کر دیا ہے اب توحالات اس قدر سنگین ہو گئے ہیں کہ چھینا جھپٹی کے دوران ڈکیتوں نے فائرنگ کرکے جان سے مارنے کو مشغلہ بنا لیا ہے لیکن نسل پرست حکومت صرف زبانی دعووں اور بیانات تک محدود ہو گئی ہے بزرگ،خواتین،نوجوان اور بچے تک محفوظ نہیں رہے۔رابطہ کمیٹی نے مزید کہا کہ سندھ حکومت کب تک خواب غفلت میں رہے گی کیا اور کیا سوچی سمجھی سازش کے تحت کراچی کے شہریوں کو اسٹریٹ کرمنلز کے حوالے کرنے کا پلان بنایا جا رہا ہے جیسے بلدیاتی کالا قانون میں ترامیم کر کے کراچی کے شہریوں کے حقوق پر ڈالا گیا ٹھیک اسی طرح اسٹریٹ کرمنلز کو ڈکیتیوں کی کھلی چھوٹ دے دی گئی ہے جس۔