نا اہل حکمران عوام کو حساب کتاب دینے کیلئے تیار ہوجائیں، فضل الرحمٰن

اسلام آباد(نمائندہ جنگ/نیوز ایجنسیز) بلوچستان نیشنل پارٹی (مینگل)کے سربراہ سردار اختر جان مینگل نے جمعرات کو پی ڈی ایم کے سربراہ مولانا فضل الرحمٰن سے ملاقات کی جس میں ملکی سیاسی صورتحال پر مشاورت ہوئی، اختر مینگل نے خیبرپختونخوا کے بلدیاتی انتخابات میں کامیابی پرمولانا فضل الرحمٰن کو مبارکباد دی ، ترجمان جے یوآئی اسلم غوری کے مطابق دونوں رہنمائوں نے منی بجٹ پرتشویش کا اظہار کرتے ہوئے پارلیمان کے اندر اورباہر ملکر حکومت کو بھرپور ٹف ٹائم دینے پر اتفاق کیا ،ملاقات میں سینیٹر مولانا عبدالغفور حیدری، آغا حسن بلوچ، میر ہاشم نوتیزئی ، اسلم غوری اور مفتی ابرار احمد بھی موجودتھے۔