جعلی حج بکنگ کی شکایات پر وزارت مذہبی امور کا انتباہ جاری

14 جنوری ، 2022

اسلام آباد(نیوز ایجنسیز)جعلی حج بکنگ کی شکایات ملنے پر وزارت مذہبی امور نے تنبیہ جاری کر دی ۔ وزارت مذہبی امور نے عوام الناس کو متنبہ کیا ہے کہ جب تک حج پالیسی 2022ء کا اعلان نہ ہو کسی ٹور آپریٹر یا کسی ایجنٹ کو کسی بھی شخص سے رقم جمع کرنے یا پاسپورٹ جمع کرنے کا اختیار نہیں ہے۔ اگر کوئی فرد یا کمپنی یہ تقاضا کرے تو فورا وزارت مذہبی امور کو اطلاع دی جائے تاکہ ایسے لوگوں کے خلاف کارروائی کی جاسکے۔