ارجن کپور نے ملائکہ اروڑا سے بریک اپ کی خبروں کو مسترد کردیا

ممبئی (مانیٹرنگ ڈیسک) ملائکہ اروڑا سے بریک اپ کی خبروں کے بعد بولی وڈ اداکار ارجن کپور بھی میدان میں آگئے۔ارجن کپور نے ملائکہ اروڑا کے ساتھ لی گئی اپنی ایک تصویر شیئر کرتے ہوئے بریک اپ کی خبروں کو مسترد کردیا۔ انہوں نے کہا کہ جھوٹی افواہوں کیلئے کوئی جگہ نہیں ہے، محفوظ اور آباد رہیں اور لوگوں کیلئے اچھا سوچیں، ہم آپ سب سے پیار کرتے ہیں۔ارجن کپور نے اپنی پوسٹ میں ملائکہ اروڑا کو بھی ٹیگ کیا جس پر اداکارہ نے کمنٹس سیکشن میں دل کی ایموجی پوسٹ کی۔اس کے علاوہ دیگر اداکاروں کی طرف سے بھی دونوں کے ساتھ ہونے پر نیک خواہشات کا اظہار کیا جا رہا ہے۔خیال رہے کہ اس سے قبل یہ خبریں سامنے آئی تھیں کہ ارجن اور ملائکہ میں چھ روز قبل بریک اپ ہوگیا تھا جس کے باعث ملائکہ نے خود کو گھر میں بند کرلیا ہے جب کہ ارجن بھی گھر سے باہر نہیں نکل رہے۔اس جوڑی کے ایک قریبی ذرائع نے انکشاف کیا کہ چھ دن سے زیادہ ہوگئے ہیں، ملائکہ اروڑا اپنے گھر سے باہر نہیں نکلی ہیں، وہ مکمل طور پر تنہائی میں چلی گئی ہیں، کہا جارہا ہے کہ وہ انتہائی غمزدہ ہیں اور انہوں نے دنیا سے دور رہنے کا فیصلہ کیا ہے۔ذرائع نے بتایا کہ ارجن کپور بھی ان دنوں میں ایک بار بھی ان سے ملنے نہیں گئے، ارجن کو تین دن پہلے بہن ریا کپور کے گھر ڈنر کے لیے دیکھا گیا تھا، ریا کا گھر ملائکہ کے گھر کے بالکل قریب ہے اور اس کے باوجود اُنہوں نے رات کے کھانے کے بعد ان سے ملاقات نہیں کی۔بھارتی میڈیا کا کہنا تھا کہ ملائکہ عموماً ارجن کپور کے ساتھ ان کے فیملی ڈنر میں شرکت کرتی ہیں لیکن اس بار وہ ان کے ساتھ نظر نہیں آئیں۔