جیسن ممووا اوراہلیہ لیزا بونت کے درمیان17سال بعد علیحدگی

لاس اینجلس (مانیٹرنگ ڈیسک)ہولی وڈ اداکار جیسن ممووا اور ان کی 54سالہ اہلیہ اداکارہ لیزا بونت کے درمیان17سال بعد علیحدگی ہوگئی ہے۔ غیر ملکی خبر رساں ادارے کے مطابق ڈان آف جسٹس، جسٹس لیگ اور ایکوامین‘ جیسی سائنس فکشن اور فنٹیسی فلموں کے دونوں اداکاروں نے 12 جنوری کو مشترکہ بیان میں علیحدگی کی تصدیق کی اور بتایا کہ دونوں ایک دوسرے سے آزاد ہوگئے۔دونوں اداکاروں نے علیحدگی سے متعلق انسٹاگرام پر پوسٹ بھی کی اور لکھا کہ دونوں احترام اور عزت کے ساتھ تعلق کو ختم کر رہے ہیں اور وہ مشترکہ طور پر بچوں کی دیکھ بھال کریں گے۔دونوں نے اگرچہ علیحدگی کی تصدیق کردی ہے، تاہم واضح طور پر نہیں بتایا کہ دونوں کے درمیان کیا اختلافات تھے۔دونوں نے 2017 میں ایک دہائی سے زیادہ عرصہ ایک ساتھ گزارنے کے بعد شادی کی تھی۔تاہم انہوں نے اپنے بیان میں طلاق کا لفظ یا اس سے متعلق کوئی بات نہیں کی ہے۔یاد رہے کہ لیزا بونت کی پہلی طلاق 1993 میں ہوئی تھی، جس کے بعد انہوں نے 2004 میں جیسن ممووا سے تعلقات استوار کیے اور 2017میں شادی کی۔بچوں کی پیدائش کے تقریباً10سال بعد دونوں نے 2017 میں قانونی طور پر شادی کی مگر ان کی شادی تعلقات سے بھی کم عرصہ چلی اور اب دونوں نے علیحدگی کی تصدیق کردی۔واضح رہے کہ دونوں کے درمیان 2004 میں تعلقات استوار ہوئے تھے اور ان کے ہاں پہلے بیٹے کی پیدائش 2007 جب کہ بیٹی کی پیدائش 2008 میں ہوئی تھی۔