ایئر چیف مارشل ظہیراحمد بابر سدھو سے کانگوکےچیف آف لینڈ فورسزلیفٹیننٹ جنرل سکابوےاسِندہ فال کی ملاقات

لاہور(خصوصی نمائندہ)ریپبلک آف کانگوکے چیف آف لینڈ فورسزلیفٹیننٹ جنرل سکابوےاسِندہ فال نے گزشتہ روزسربراہ پاک فضائیہ ایئر چیف مارشل ظہیراحمد بابر سدھو سے انکے دفتر میں ملاقات کی۔ معزز مہمان نے پاک فضائیہ کی پیشہ ورانہ مہارت اور پی اے ایف کیطرف سے گزشتہ سالوں میں بالخصوص خود انحصاری کے میدان میں ہونے والی غیر معمولی پیشرفت کو سراہا، ایئر چیف نے کہا کہ دونوں ممالک کے درمیان خوشگوار تعلقات قائم ہیں،انہوں نے دونوں فضائی افواج کے مابین موجودہ دوطرفہ تعاون کو مزید فروغ دینے کے عزم کا اعادہ بھی کیا، ملاقات کے دوران باہمی دلچسپی اور پیشہ ورانہ تعاون کے مختلف امور بھی زیربحث آئے۔