حکومت کو ختم کرنے کیلئے ہر طریقہ آزمایا جا سکتا ہے ،مریم نوازمری میں لوگ برف نہیں حکمرانوں کی نااہلی سے مرے،بلال یاسین کی عیادت کی

لاہور(خصوصی نمائندہ،نیوز ایجنسیاں) مسلم لیگ ن کی نائب صدر مریم نواز نے کہا کہ اس حکومت کو ختم کرنے کیلئے ہر طریقہ آزمایا جا سکتا ہے ،مری واقعہ پوری دنیا کے سامنے ہے،وہاں لوگ برف سے نہیں حکمرانوں کی نااہلی سے مرے ،ان خیالات کا اظہار انہوں نے گزشتہ روزرکن صوبائی اسمبلی بلال یاسین کی عیادت کیلئے انکی رہائشگاہ شادمان میں میڈیا سے گفتگو کرتے ہوئے کیا۔انہوں نے بلال یاسین کی جلد صحتیابی کیلیے دعا کی، مریم نوازشریف نے نوازشریف کی طرف سے بلال یاسین کی صحتیابی کیلیے نیک خواہشات کا اظہار کیا،بلال یسین نے عیادت کیلئے مریم نوازشریف کی آمد پرانکا شکریہ ادا کیا۔مریم نواز شریف نے مزید کہا کہ مری میں لوگ مرتے رہے لیکن ان کی مدد کیلئے کوئی نہیں آیا،عوام کو پتہ ہے سچ کیاہے جھوٹ کیا ہے،سیاسی جماعتوں کو اب عوام کے کہنے پر چلنا پڑے گا،پہلے مجھے لگتا تھا کہ اس حکومت کو مدت پوری کرنی چاہیے،مری کا واقعہ پوری دنیا کے سامنے ہے،خاندانوں کے خاندان اجڑ گئے، یہ بنی گالہ اور وزیر اعلی ہاؤس میں ہیٹرجلاکرسوتے رہے،مری میں 36 گھنٹے کوئی متاثرین کی مدد کو نہیں آیا۔