جماعت اسلامی کا شہری مسائل کےخلاف احتجاجی مظاہرہ

14 جنوری ، 2022

لاہور(نمائندہ خصوصی)جماعت اسلامی لاہور کے زیر اہتمام شہری مسائل کے حل کے لئے اکبر چوک میں احتجاجی مظاہرہ کیاگیا جس کی قیادت امیر جماعت اسلامی لاہور میاں ذکراللہ مجاہد نے کی ،مظاہرے میں ڈپٹی سیکرٹری جنرل ثمینہ سعید،صدر لاہور ڈاکٹر زبیدہ جبیں،نائب عظمیٰ عمران،مرکزی سیاسی سیل انیلامحمود عافیہ سرورپی پی ناظمہ فرزانہ، نائلہ اشرف، نجم السحر، عامر نثار خان خالد احمد بٹ، وسیم اسلم قریشی سمیت بڑی تعداد میں بچوں اور خواتین نے شرکت کی۔ میاں ذکر اللہ مجاہد نے کہا کہ نااہل حکمرانوں نے شہر لاہور کو مسائلستان بنادیا ہے ۔ باغوں اور پھولوں کا شہر گندہ ترین شہر ہے۔شہر بھر میں جگہ جگہ گندگی اور کوڑے کے ڈھیر وں کی وجہ سے لوگ تعفن کا شکار ہیں۔شہر میں پینے کا صاف پانی لوگوں کو میسر نہیں فضائی آلودگی کی وجہ سے لوگ سانس اور پھیپھڑوں کی بیماریوں کا شکار ہیں۔