سیکرٹری بلدیات کا سٹیزن پورٹل پر زیر التواءشکایات کاسخت نوٹس

لاہور(خصوصی رپورٹر )سیکرٹری بلدیات ڈاکٹر نعیم رؤف نے پاکستان سٹیزن پورٹل پر زیر التوا شکایات کا سخت نوٹس لیتے ہوئے لوکل گورنمنٹ کمپلینٹ سیل کو 3روز میں شکایات حل کرنے کی ڈیڈ لائن دے دی،شکایات پر فوری ایکشن یقینی بنانے کے لیے ہر ہفتہ کمپلینٹ سیکشن کا اجلاس بلایا جائے گا۔ سیکرٹری بلدیات نے لوکل گورنمنٹ کمپلینٹ سیکشن اور احتساب بورڈ سے بریفنگ لی ۔ ایڈیشنل سیکرٹری اسٹیبلشمنٹ، سیکشن آفیسر کمپلینٹ،سیکشن آفیسر احتساب نے بریف کیا ۔بریفنگ کے دوران ڈاکٹر نعیم رؤف نے کہاکہ شکایات پر فوری ایکشن یقینی بنایاجائے ۔ انہوں نے کہاکہ عوامی شکایات حل نہ کرنیوالوں کے خلاف پیڈا ایکٹ کے تحت کارروائی ہوگی ۔