نواب ٹائون : خاتون نے ساتھیوں سے ملکر 25 چھین لئے،فلور مل کیشئر سمیت 8 افراد لٹ گئے

لاہور،مانگا منڈی(کرائم رپورٹرسے،نامہ نگار) ڈکیتی اورچوری کی متعدد وارداتیں ہوئیں ، مزاحمت پر شہری کو زخمی کردیا، نواب ٹائون میں بینک سے 25 لاکھ رقم نکلوانے والا شہری اپنے دفتر کے سامنے لٹ گیا عاطف رائیونڈ روڈ پر واقع بینک سے رقم نکلوا کر دفتر پہنچا تھا کہ انہوں نے اسے روک لیا اس دوران خاتون موٹرسائیکل سے اتر کر اطراف کا جائزہ لیتی ہے جبکہ اس کے ساتھی اس سے رقم لوٹ لی اور مزاحمت پر شہری کو تشدد کا نشانہ بنایا ۔علاوہ ازیں ڈیفنس میں ڈاکووں نے تقویم شاہ کے گھر سے 3لاکھ 80ہزار ، زیورات اور دیگر سامان ، لیاقت آباد میں قاری شہادت سے 2لاکھ 80ہزار ،شالیمار میں ڈاکووں نےاسد خان سے1لاکھ 75ہزار اور موبائل فون ،ہیئر میں معظم سے 1لاکھ50ہزار اور موبائل فون ،ہڈیارہ میں جاوید سے85ہزار اور موبائل فون ،نیوانارکلی میں ڈاکووں نے فاروق سے60ہزار اور موبائل فون ، نواں کوٹ میں ڈاکووں نےندیم شاہدسے58ہزار اور موبائل فون چھین لیا۔ مانگا منڈی کلمہ چوک میں 3 موٹر سائیکل سوار ڈاکو فلور ملز کے کیشئیر احسن سے ساڑھے آٹھ لاکھ روپے لوٹ کر فرار ہو گئے ، جنرل ہسپتال کی ایمرجنسی کے باہر سےکار چور ی کرلی گئ، ماڈل ٹاو ن سے کاشف اور لوئر مال سے اعظم ملک کی گاڑیاں اور اچھرہ سے عاطف قدیر،بھاٹی گیٹ سے ذیشان حیدر اور گلبرگ سے یعقوب بٹ کی موٹر سائیکلیں چوری ہو گئے۔