لاہور ہائیکورٹ :ہیلتھ سروسز یونٹس کوسیل کرنے کیخلاف کیس ،پنجاب حکومتہیلتھ کئیر کمیشن سے تحریری جواب طلب

لاہور(وقائع نگار خصوصی)لاہور ہائیکورٹ کےجسٹس ساجد محمود سیٹھی نےغیرفعال ہیلتھ کیئر کمیشن کی جانب سے ہیلتھ سروسز یونٹس کوسیل کرنے کےخلاف کیس میں حکومت پنجاب اور ہیلتھ کئیر کمیشن سے تحریری جواب طلب کرلیا ،عدالت نے سیل شدہ ہیلتھ سروسز یونٹس سے متعلق ہیلتھ کئیرکمیشن کو حتمی فیصلےسے روک دیا،عدالت نے ہیلتھ سروسز یونٹس کوسیل کرنے سے روکنے کی فوری استدعا مسترد کردی،ڈاکٹر شائستہ نے درخواست میںموقف اپنایا کہ ہیلتھ کئیر کمیشن ممبران کی تعداد پوری نہ ہونے کی وجہ سے قانونی طور پرغیرفعال ہے،غیرفعال ہیلتھ کئیرکمیشن ہیلتھ سروسز یونٹس کوسیل کرنے کااختیار نہیں رکھتا،غیرفعال ہیلتھ کئیرکمیشن غیرقانونی طور پر کلینک سیل کررہا ہے،استدعا ہے کہ عدالت غیرفعال ہیلتھ کئیرکمیشن کو غیر قانونی اقدامات سے روکے،عدالت سیل کردہ کلینکس کو ڈی سیل کرنے کے احکامات دے۔