وزیر اعظم سے پر ویز خٹک،عمرایوب ،ق لیگ کے وفداوردیگرکی ملاقاتیں

اسلام آ باد ( نیوز رپورٹر) وزیر اعظم عمران خان سےوزیردفاع پرویز خٹک اور عمر ایوب نے پارلیمنٹ چیمبر میں ملاقات کی ۔ملاقات کے بعد پرویز خٹک ایوان میں آگئے ۔وزیر اعظم سے ق لیگ کے وفد نےبھی ملاقات کی ۔ملاقات میں طارق بشیر چیمہ اور چوہدری سالک بھی موجود تھے ۔ ملاقات میں سیاسی معاملات پر بات چیت ہوئی ،دریں اثناوزیر اعظم سے رکنِ قومی اسمبلی ڈاکٹر عامر لیاقت حسین نےملاقات کی ۔ملاقات میں متعلقہ حلقے کے امور اور جاری ترقیاتی منصوبوں پر گفتگو کی گئی ۔ عامر لیاقت نے وزیرِ اعظم کو اردو میں اپنی تصنیف کردہ حضرت عائشہ (رض) کی حیاتِ مبارکہ پر کتاب بھی پیش کی،علاوہ ازیں وزیر اعظم سےارکان اسمبلی ڈاکٹر رامیش کمار وانکوانی ، اقبال آفریدی، فضل خان ،باسط بخاری ، امتیازاحمد چوہدری، امجد خان نیازی، شوکت بھٹی اور سید فیض الحسن شاہ نے ملاقاتیں کیں،جن میں متعلقہ حلقوں کے سیاسی امور اور جاری ترقیاتی منصوبوں پرگفتگو کی گئی ۔ وزیر اعظم نے عوامی مسائل کے حل پر خصوصی توجہ دینے کی ہدایت کی ۔ انہوں نے متعلقہ حلقوں میں پارٹی کو سیاسی طور پر منظم اور فعال بنانے کی بھی ہدایت کی۔