صوبائی حکومتیں ممکنہ غذائی بحران سےنمٹنے میں ناکام ہوگئیں ،حمزہ شہباز

لاہور(مقصود اعوان سے) صوبائی حکومتیں ممکنہ غذائی بحران سے نمٹنے میں ناکام ہوگئی ہیں، گزشتہ سالوں میں لاکھوں ایکڑ قابلِ کاشت زرعی رقبہ کم ہونے سے اجناس کی شدید قلّت پیدا ہونے سے غذائی بحران سر اٹھانے لگا ہے ، پنجاب اسمبلی میں قائد حزب اختلاف حمزہ شہباز شریف نے سپیکر پنجاب اسمبلی کو معاملہ کی سنگینی سے آگاہ کردیا ہے اور مطالبہ کیا کہ اپوزیشن کی ریکوزیش پر جلد اجلاس بلایا جائے اور اس معاملے کو ایوان میں زیر بحث لایا جائے ،پنجاب اسمبلی میں اپوزیشن رکن شیخ علاؤ الدین نے ایک قرارداد میں اعدادوشمار کے حوالے سے انکشاف کیا ہے کہ ملک میں بڑھتی ہوئی آبادی، زرعی رقبے پر رہائشی اور کمرشل تعمیرات اور ہاؤسنگ سکیموں کے قیام، پانی کی قلت، ماحولیاتی آلودگی، مصنوعی کھاد بحران، زرعی آلات، بجلی اور پٹرولیم مصنوعات کی قیمتوں میں بے پناہ اضافے اور زمینداروں کے زرخیز زرعی رقبے فروخت کرکے مکانات اور قیمتی گاڑیاں خریدنے کے بڑھتے ہوئے رحجان سے ملکی زراعت تیزی سے خطرناک حد تک متاثر ہورہی ہے ، وزیراعظم نے اِس کا نوٹس لے کر صوبائی حکومتوں کو موثر اقدامات کرنے کی ہدایت کی ہے۔