سینٹ قائمہ کمیٹی،سنٹرل سلیکشن بورڈ کے پروموشن معیار کا سخت نوٹس

لاہور(خصوصی نمائندہ)سینٹ کی قائمہ کمیٹی برائے کیبنٹ سیکرٹریٹ کا اجلاس چیئرمین کمیٹی سنیٹر رانا مقبول احمد کی زیر صدارت پارلیمنٹ لاجز میں منعقد ہوا۔ قائمہ کمیٹی کے اجلاس میں فرنس آئل کی درآمد کی وجہ سے آئل ریفائنریوں پر پڑنے والے اثرات پر تفصیلی تبادلہ خیال کیا گیا، کمیٹی نے سنٹرل سلیکشن بورڈ کے پروموشن کے معیار سے متعلق مسائل کا بھی سخت نوٹس لیا، چیئرمین کمیٹی سینیٹر رانا مقبول احمد نے کہا کہ یہ انتہائی اہمیت کے حامل مسائل ہیں جن سے متعدد زندگیاں متاثر ہوتی ہیں اسلئے انہیں ذمہ داری سے نمٹایا جانا چاہیے۔