سپریم کورٹ، سانحہ مری کے معاملہ پر از خود نوٹس لینے کی درخواست دائر

اسلام آباد (اے پی پی) مری میں برفباری کے باعث اموات کے معاملہ پر از خود نوٹس لینے کے لیے شہری نے سپریم کورٹ میں درخواست دائر کر دی ۔ جمعرات کو عدالت عظمی میں شہری عبید الرحمان عباسی کی جانب سے دائر درخواست میں چیف جسٹس آف پاکستان سے استدعا کی گئی ہے کہ مری میں برفباری کے باعث اموات کے معاملہ پر ازخود نوٹس لیا جائے ،مری میں برفباری کے باعث اموات کے ذمہ داران کا تعین کیا جائے،غفلت کے مرتکب افراد کی نشاندہی کر کے حقائق سامنے لائے جائیں اور سیاحوں کو لوٹنے والے مافیاز کو قانون کے کٹہرے میں لایا جائے۔