وفاقی بیورو کریسی میں تقرر و تبادلے

اسلام آ باد ( نیوز رپورٹر) وفاقی بیورو کریسی سے وابستہ افسران کے تقرر و تبادلے کئے گئے ہیں، جوائنٹ سیکرٹری موسمیاتی تبدیلی ڈویژن فرح مسعود کو گریڈ 21 میں ریگولر کرکے مینیجنگ ڈائریکٹر اوورسیز ایمپلائمنٹ کارپوریشن تعینات کر دیا گیا ہے جبکہ تقرری کے منتظر سیکرٹریٹ گروپ کےگریڈ 19 کے امیر محمد خان نیازی کو ڈپٹی سیکرٹری وفاقی تعلیم ڈویژن اور تقرری کی منتظر آفس مینجمنٹ گروپ کی نمرہ خان کو گریڈ 18 میں ترقی دیکر سیکشن افسر اسٹیبلشمنٹ ڈویژن تعینات کر دیا گیا ہے، سیکشن افسر اقتصادی امور ڈویژن توقیر علی کو او ایس ڈی بنا دیا گیا ہے جبکہ پنجاب حکومت میں تعینات گریڈ 17 کے غلام خالق کی خدمات اسٹیبلشمنٹ ڈویژن کو واپس کر دی گئی ہیں، اسٹیبلشمنٹ ڈویژن نے باضابطہ نوٹیفکیشن جاری کر دئیے ہیں۔