شفقت محمود کورونا میں مبتلاوزرائے تعلیم اجلاس ملتوی

اسلام آباد(جنگ نیوز)پاکستان تحریک انصاف (پی ٹی آئی) کے رہنما اور وفاقی وزیر تعلیم شفقت محمود کورونا وائرس کا شکار ہوگئے جس کے بعد وزرائے تعلیم اجلاس ملتوی کردیاگیا۔گزشتہ روز شفقت محمود نے سماجی روابط کی ویب سائٹ پر کہا کہ بدقسمتی سے میرا کورونا وائرس کا ٹیسٹ مثبت آگیا،کورونا کی علاماتیں معمولی ہیں اور میں خود کو ٹھیک محسوس کررہا ہوں۔دوسری جانب شفقت محمود کا کورونا مثبت آنے کے بعد بین الصوبائی وزرائے تعلیم کا جمعرات کو ہونے والا اجلاس ملتوی کر دیا گیا ،اس اجلاس میں کورونا کی نئی قسم اومی کرون کے بڑھتے ہوئے کیسز اور اس حوالے سے تعلیمی ادارے کھلنے یا بند رکھنے کے حوالے سے فیصلے متوقع تھے۔اس اجلاس کو اب اگلے ہفتے تک ملتوی کردیا گیا ہے۔