خراسانی مارا جاچکا، کالعدم ٹی ٹی پی نے تصدیق کردی

14 جنوری ، 2022

اسلام آباد(نامہ نگار خصوصی)کالعدم تحریک طالبان پاکستان نے ٹویٹر پر محمد خراسانی نامی طالبان ترجمان کی ہلاکت کی تصدیق کردی ہے ۔ٹی ٹی پی کی جانب سے یہ تصدیق پاکستانی سکیورٹی حکام کے اس اعلان کے چند روز بعد سامنے آئی ہے، جس میں انہوں نے کہا تھا کہ ٹی ٹی پی کے سابق ترجمان کو افغانستان میں گولی مار کر ہلاک کر دیا گیا ہے۔ جمعرات (آج )تک طالبان نے اس خبر کی تصدیق نہیں کی تھی۔ٹی ٹی پی کے حالیہ ترجمان جو محمد خراسانی کا نام ہی استعمال کرتے ہیں، کی جانب سے کہا گیا ہے کہ بلتی کی ہلاکت کا واقعہ نو جنوری کو پیش آیا تھا اور اس کی موت کا بدلہ لیا جائے گا۔