حکومت پہلے دن سے ناکام ہے،زرداری

اسلام آباد(صباح نیوز)پیپلز پارٹی کے شریک چیئرمین اور سابق صدر آصف علی زرداری نے کہا ہے کہ حکومت تو پہلے دن سے ہی ناکام ہے۔ آصف علی زرداری پارلیمنٹ کے اجلاس میں شرکت کے لیے پہنچے تو صحافیوں نے سوال کیا کہ کیا حکومت فنانس بل پر ناکام ہوگی؟ جس پر سابق صدر نے کہا کہ حکومت تو پہلے دن سے ناکام ہے۔یوریا کھاد کے بحران پر آصف علی زرداری نے تشویش کا اظہار کرتے ہوئے کہا کہ میں چاہتا ہوں کہ یوریا کھاد کی بوری کی قیمت کم ہونی چاہئے لیکن حکومت نے غریب عوام اور کسانوں کی کمر توڑ دی ہے۔حکومت معیشت اور زراعت کو تباہ کرنے پر تلی ہوئی ہے لیکن پیپلز پارٹی کسانوں اور غریب عوام کے ساتھ کھڑی ہے۔