ڈیجیٹل گرداوری پر تیز رفتاری سے عملدرآمد کیا جائے، ڈپٹی کمشنر چکوال

تلہ گنگ(نمائندہ جنگ) ڈپٹی کمشنر چکوال کیپٹن ریٹائرڈ بلال ہاشم نے ریونیو ایڈمنسٹریشن کے فیلڈ سٹاف کو احکامات جاری کئے ہیں کہ بورڈ آف ریونیو پنجاب کی ڈیجیٹل گرداوری سکیم پر وضع کردہ گائیڈ لائن کے مطابق تیز رفتاری سے عملدرآمد کیا جائے ۔ انہوں نے یہ احکامات تحصیل تلہ گنگ کے دورہ کے موقع پر نکہ کہوٹ اور ٹہی میں مختلف سائٹس پر ڈیجیٹل گرداوری کے عمل کا جائزہ لیتے ہوئے جاری کئے ۔ اس موقع پر اے سی تلہ گنگ اعتزاز اسلم بھی ان کے ہمراہ تھے ۔ انہوں نے تلہ گنگ میں محکمہ لائیو سٹاک کے ویٹرنری ہسپتال کا بھی معائنہ کیا ۔ دریں اثناءانہوں نے دورہ تلہ گنگ کے موقع پر مارکیٹ میں کھاد کی دکانوں کی چیکنگ بھی کی۔