چینی خاتون سے اجتماعی زیادتی کے 3ملزم بری، چوتھا اشتہاری

14 جنوری ، 2022

اسلام آباد(خصوصی رپورٹ)ایڈیشنل ڈسٹرکٹ اینڈسیشن جج عطاء ربانی نے چینی خاتون سے اجتماعی زیادتی کے 3ملزمان کو عدم ثبوت پر بری اور مفرر ایک ملزم کو اشتہاری قرار دینے کاحکم سنا دیا۔ عدالتی حکم میں کہا گیا ہے کہ عدالت شواہد کی عدم دستیابی پر ملزمان گل حلیم، قاسم اور اظہرکو بری کرتی ہے،چینی خاتون کے ساتھ اسلام آباد کے سیکٹر آئی 10میں دوران ڈکیتی زیادتی کی گئی تھی، ڈکیتی اور جنسی زیادتی کی دفعات کے تحت مقدمہ تھانہ سبزی منڈی میں درج کیا گیا تھا،2017میں درج ڈکیتی، زیادتی کے کیس کا فیصلہ 5سال بعد سنایا گیا، فیصلہ میں یہ بھی کہاگیاکہ ٹرائل کے دوران پولیس اپنا کیس ثابت کرنے میں ناکام رہی، ملزم گل حلیم گرفتار جبکہ قاسم اوراظہر ضمانت پر تھے،عدالت نے ڈکیتی، زیادتی میں ملوث چوتھے ملزم شیر محمد کو اشتہاری قرار دے دیا۔