پولیس اہلکاروں کو بوسٹر شاٹ لگانے کا سلسلہ شروع

اسلام آباد ( خصوصی نامہ نگار) راولپنڈی پولیس کے لئے کووڈ بوسٹر ویکسینیشن کا عمل شروع کر دیا گیا، ویکسین ڈی ایس پی محمد مسعود شہید ہسپتال پولیس لائنز ہیڈکوارٹرز میں ضلعی انتظامیہ کے تعاون سے لگائی جا رہی ہے،90سے زائد افسران و اہلکاروں کو بوسٹر ویکسین لگائی گئی ۔سی پی ا وراولپنڈی ساجد کیانی کا کہنا تھا کہ کورونا کی جنگ میں پولیس نے ہر مرحلے پر فرنٹ لائن فورس کا کردار اداکیا ہے،فورس کی فلاح اولین ترجیح ہے، صحت مند پولیس افسران و اہلکار شہریوں کی خدمت میں بہتر کردار ادا کر سکتے ہیں۔