منی بجٹ میں لگائے گئے ٹیکس غریب عوام کا خون نچوڑ کر حاصل کئے جائینگے ،میاں اسلم

اسلام آباد ( نیوز رپورٹر ) نائب امیر جماعت اسلامی پاکستان میاں محمد اسلم نے کہا ہے کہ پی ٹی آئی نے ساڑھے تین سال میں 39ارب ڈالرز کے قرضے لئے ہیں ، سود اور قرض ادا کر کے غریب قوم پہلے ہی سب کچھ ہار چکی ہے،عالمی مالیاتی اداروں نے ملک کی معیشت کو کنٹرول کر کے اسے اپنے دباؤ میں رکھا ہوا ہے۔منی بجٹ میں لگائے گئے ٹیکس غریب عوام کا خون نچوڑ کر حاصل کیے جائیں گے ۔ ان خیالات کا اظہار انہوں نے جی ٹین کے دورے کے موقع پر شہریوں سے گفتگو کر تے ہو ئے کیا ۔میاں محمد اسلم نے کہا پی پی، ن لیگ اور پی ٹی آئی آپس میں ایک ہیں، لڑائی مفادات کے لیے ہے۔