شہریوں کی جائیداد وں پر قبضہ کی اجازت نہیں دی جائیگی، آئی جی اسلام آباد

اسلام آباد ( خصوصی نامہ نگار)آئی جی اسلام آباد محمد احسن یونس نے کہا ہے کہ کسی بھی شہری کی جائیداد پر ناجائز قبضہ کی اجازت ہرگز نہیں دی جائے گی، شہریوں کے لوٹے گئے مال کی برآمدگی کو یقینی بنایا جائے ۔ تمام ایس ایچ اوز کو بھی ہدایات دی گئی ہیں کہ وہ روزانہ 3 سے 5بجے شام تک اپنے دفاتر میں موجود رہیں اور شہریوں سے مل کر ان کے مسائل سنیں۔ انہوں نے جمعرات کے روز کھلی کچہری کا انعقاد کیا جس میں شہریوں اور پولیس اہلکاروں نے اپنے مسائل پیش کئے ، شہریوں کی طرف سے مسائل پر آئی جی اسلام آباد نے متعلقہ تمام افسران کو فون پرہدایات دیں ۔