کسان سڑکوں پر ہیں نالائق حکومت پر کوئی اثر نہیں ہو رہا ،پیپلز پارٹی

اسلام آباد ( وقائع نگار ) پیپلز پارٹی کے رہنما اور رکن قومی اسمبلی سید نوید قمرنے کہاکہ ملک کے اندر زراعت کا شدید بحرا ن ہے ،کسان سڑکوں پر ہیں، نالائق حکومت پر کوئی اثر نہیں ہو رہا ،کھاد کے ٹرکوں کی لوٹ مار شروع ہو گئی ہے ،ایک کارڈ پر پنجاب حکومت کی سکیم کے تحت ایک بوری ملتی ہے اگر پھر بھی کسانوں کی ضرورت پوری نہیں ہو تی ،پورا خاندان بھی بوریاں لے جا ئے تب بھی کھاد پوری نہیں ہو تی ،وہ یہاں پی پی پی کی رکن قومی اسمبلی شاریہ مری کے ہمراہ پریس کانفرنس سے خطاب کرر ہے تھے ، شازیہ مری نے کہاکہ واشنگٹن کی سوچ رکھنےوالوں کو کسان کے حالات کا پتہ نہیں ہے اصل کام زراعت میں خود کفیل ہو نا ہے ،حکومت کسانوں کو دوسرے درجے کا شہری سمجھتی ہے ،ہمیں زراعت میں خود کفیل ہونے کے لیے عملی اقدامات اٹھانے ہونگے ۔