ریلوے کی نج کاری نہیں ہونے دینگے،اشتیاق آسی

راولپنڈی( جنگ نیوز) پریم یونین ریلوے کی نج کاری کی راہ میں سب سے بڑی رکاوٹ بن کر کھڑی ہے اور ریلوے کے محکمے کی نج کاری نہیں ہونے دیگی۔ یہ بات پریم یونین کے رہنماء اشتیاق آسی نے کوچنگ گڈز سک لائن میں ریلوے ملازمین کے جلسہ سے خطاب کرتے ہوئے کہی۔ جلسہ سے تبریز عباسی، رستم بھائی، پرویز اختر اعوان اور یعقوب بٹ نے بھی خطاب کیا۔ اشتیاق آسی نے کہا مہنگائی کے اس ظالمانہ دور میں ریلوے ملازمین کا جینا مشکل ہوچکا ہے ۔انہوں نے کہا کہ نج کاری کے نام پر ریلوے انتظامیہ منافع میں چلنے والی گاڑیاں نادھندہ کمپنیوں کو ٹھیکے پر دے رہی ہے، یہ ریلوے جسے قومی ادارے اور اس کے ملازمین کے ساتھ ظلم ہے۔ جلسہ میں آر ٹی ایل پاور پلانٹ کیرج سٹاف کے سینکڑوں ملازمین نے پریم یونین میں شامل ہونے کا اعلان کیا ۔