کراچی (امداد سومرو)FIA کے دو مقدمات کیخلاف پاکستانی بزنس مین کا چیف جسٹس سے رجوع، اپنے حق میں اعلیٰ عدالتوں کے حکم کے باوجود چیف جسٹس آف پاکستان سے انصاف فراہم کرنے کی استدعا کردی۔ تفصیلات کے مطابق دبئی میں مقیم پاکستانی بزنس مین عمر فاروق ظہور، جنہیں فراڈ اور منی لانڈرنگ کے الزامات کے تحت وفاقی تحقیقاتی ایجنسی (ایف آئی اے) کے دو مقدمات کا سامنا ہے، نے اپنے حق میں اعلیٰ عدالتوں کے حکم کے باوجود چیف جسٹس آف پاکستان سے انصاف اور ایف آئی اے کے مبینہ غیر قانونی اقدامات کے خلاف رجوع کرلیا۔ عمر فاروق ظہور کا معاملہ اس وقت منظر عام پر آیا جب ایف آئی اے نے ان کے معاملات میں اپنے دو سابق اعلیٰ افسران سابق ڈائریکٹر جنرلز بشیر میمن اور سعود مرزا کو طلب کیا۔ ظہور نے ملک کے اعلیٰ ترین جج کومنسلکہ کاغذات کے ساتھ اپنی تحریری درخواست، عدالتی فیصلوں کی کاپیاں اور انٹرپول اور دیگر کی خط و کتابت(جن کی نقول دی نیوز کو دستیاب ہیں) میں کہا کہ وہ ایک مشہور بین الاقوامی تاجر اور ایک غیر ملکی پاکستانی ہیں جو دو دہائیوں سے زائد عرصے سے متحدہ عرب امارات (یو اے ای) میں مقیم ہیں۔ ظہور نے مزید کہا کہ پاکستان کا شہری ہونے کے ناطے وہ اسلامی جمہوریہ پاکستان کے آئین کے آرٹیکل 4، 9، 10-A، 13، 14، 15 اور 25 میں درج تمام بنیادی حقوق کے حقدار ہیں؛ انہوں نے چیف جسٹس سے استدعا کی کہ انہیں انصاف فراہم کریں اوردھوکہ دہی، منی لانڈرنگ اور بچوں کے اغوا کے جھوٹے الزامات پر درج کیے گئے جھوٹے اور من گھڑت مقدمات کی بنیاد پر ان کے خلاف مبینہ طور پر غیر قانونی کارروائی کو روکنے کے لیے ہدایات جاری کریں۔
کراچی جیوکےپروگرام ’’نیا پاکستان شہزاد اقبال کیساتھ ’’میں گفتگو کرتے ہوئے صدر آل پاکستان انجم تاجران...
اسلام آباد قومی ایئر لائنز کی فضائی میزبان حنا ثانی کی کہانی میں نعمان نامی نیا کردار سامنے آگیا، نعمان ...
اسلام آباد چین کے تعاون سے پاکستان ریلوے کو سولر انرجی پر منتقل کرنے کا منصوبہ تیار کیا جا رہا ہے تاکہ بھاری...
حیدر آباد حیدرآباد میں 10 گھنٹے کے دوران 3 پولیس مقابلوں میں 2 ڈاکو ہلاک اور ایک کو زخمی حالت میں گرفتار کرلیا...
واشنگٹن سابق امریکی صدر ڈونلڈ ٹرمپ کا کہنا ہےکہ روس یوکرین جنگ، اسرائیل ایران کشیدگی سے عالمی جنگ کا خدشہ...
اسلام آباد وزیراعظم شہباز شریف نے پنجاب اور بلوچستان میں بارشوں اور آسمانی بجلی گرنے کے واقعات کے نتیجے...
کراچی 6ایڈیشنل ججز نے مستقل جج کے طور پر حلف اٹھا لیا،سندھ ہائیکورٹ میں مستقل ججز کی تعداد 32ہوگئی۔ حلف اٹھانے...
لاہور تعلیمی بورڈز میں مستقل چیئرمینوں کی تعیناتی کا فیصلہ نہ ہو سکا، جولائی 2022سے کمشنرز کو عارضی چارج دے کر...