پاک بحریہ کا آپریشنل کمانڈز سیمینار، نیول چیف نے بحری حدود میں درپیش چیلنجز پر روشنی ڈالی

اسلام آباد ( وقائع نگار )پاک بحریہ آپریشنل کمانڈز سیمینار بحریہ آڈیٹوریم کراچی میں منعقد ہواجس میں نیول چیف ایڈمرل محمد امجد خان نیازی نے بطورمہمان خصوصی شرکت کی۔سیمینار سے خطاب کرتے ہوئے پاک بحریہ کے سربراہ نے دنیا بھر میں بحری افواج کو بحری حدود میں درپیش متعدد روایتی اور غیر روایتی چیلنجز پر روشنی ڈالی، امیرالبحر نے قومی سطح پر اداروں کے درمیان تعاون کو مضبوط بنانے اور علاقائی اور عالمی سطح پر سمندری حدود میں بین الاقوامی خطرات کا مناسب طور پر مقابلہ کرنے اور ان پر قابو پانے کے لیے تعاون بڑھانے پر زور دیا۔