کرتارپورراہداری امن، سلامتی، محبت اور عقیدت کا نشان ،فواد چوہدری

اسلام آباد (نمائندہ خصوصی ) وزیر اطلاعات و نشریات چوہدری فواد حسین نے کہا ہے کہ وزیراعظم نے آئی ایس آئی ہیڈ کوارٹرز کا دورہ کیا، آرمی چیف، ڈی جی آئی ایس آئی اور انکی ٹیم نے وزیراعظم کو افغانستان کی بدلتی صورتحال پر تفصیلی بریفنگ دی،جمعرات کو اپنے ٹویٹ میں انہوں نے کہا کہ ہمارا مقصد افغانستان میں استحکام کو یقینی بنانا ہے اس کیلئے پاکستان نے بہت کام کیا ہے، آج دنیا پاکستان کے نقطہ نظر کے قریب آ رہی ہے۔ایک اور ٹویٹ میں وزیر اطلاعات و نشریات نے کہا ہے کہ کرتارپور راہداری نے 75 سال سے بچھڑے دو بھائیوں کو ملا دیا، جب عمران خان نے کرتار پور کا افتتاح کیا تھا تو انہوں نے اسکو امن کی راہداری قرار دیا تھا اور آج یہ راہداری اس تلخیوں بھری سرحد پر امن، سلامتی، محبت اور عقیدت کا نشان ہے۔