شاہ محمود قریشی کی غیر ملکی دورے سے واپسی، اسمبلی اجلاس میں شرکت

اسلام آباد(نامہ نگار خصوصی)وزیر خارجہ شاہ محمود قریشی اپنے دوروزہ غیر ملکی دورے کے بعد وطن واپس پہنچ گئے جہاں جمعرات کو انہوں نے قومی اسمبلی کے اجلاس میں بھی شرکت کی، اسپین میں قیام کے دوران انہوں نے اپنے ہم منصب، اسپین کی کانگریس آف ڈپٹیز ایند فارن ریلیشنز کمیٹی، اسپین کے وزیر تجارت اور اراکین پارلیمان سے ملاقاتیں کیں اور اسپینش حکومت پر زور دیا کہ پاکستان کے لیے سفری ایڈوائزری پر نظرثانی کرے۔انہوں نے دو طرفہ تعلقات، تجارت، سرمایہ کاری اور سیاحت میں کثیر الجہتی تعاون کے علاوہ علاقائی اور عالمی امور پر تبادلہ خیال کیا اور توقع ظاہر کی کہ اسپین کی حکومت پاکستانی نژاد ہسپانوی شہریوں کو درپیش دوہری شہریت مسئلے کے حل کیلئے سنجیدہ غور کرے گی۔