لطیف آفریدی قتل ، عدا لت نے سہولت کار کی گر فتا ری روک دی

پشاور(نمائندہ جنگ) انسداد دہشت گردی کی خصوصی عدالت نے پولیس کو سپریم کورٹ بار کے سابق صدر لطیف آفریدی ایڈووکیٹ کے مقدمہ قتل میں نامزد سہولت کار محمد عادل ایڈووکیٹ کی گرفتاری سے روک دیا اور ملزم کی عبوری ضمانت منظور کر کے مقدمے کا ریکارڈ طلب کرلیا ،مزید سماعت یکم فروری کو ہو گی ۔ استغاثہ کے مطابق سپریم کورٹ بار ایسوسی ایشن کے سا بق صدر لطیف آ فریدی ایڈووکیٹ کو 16جنوری کو پشاور ہائیکورٹ کے بار روم میں قتل کیا گیا ، پولیس نے ملزم عدنان کو موقع سے گرفتار کیا ،جس نے محمد عادل ایڈووکیٹ کو 161 بیان میں سہولت کارنامزد کیا ۔ملزم محمد عادل نے منگل کے روزگرفتاری کے خدشے کے پیش نظر خصوصی عدالت سے رجوع کیا ، عدالت نے پولیس کو ملزم کی گرفتاری سے روکتے ہوئے عبوری ضمانت پر مزید سماعت یکم فروری تک ملتوی کردی اور مقدمے کا ریکارڈ بھی طلب کرلیا ۔