مودی پاکستان پر سرجیکل سٹرائیک کا ثبوت نہیں دے سکے، کانگریسی رہنما

25 جنوری ، 2023

سری نگر(پی پی آئی)کانگریس پارٹی کے سینئر رہنما اور مدھیہ پردیش کے سابق وزیر اعلیٰ دگ وجے سنگھ نے کہاہے کہ مودی حکومت پاکستان کے خلاف سرجیکل سٹرائیک کے اپنے دعوے کے حق میں کوئی ثبوت پیش نہیں کرسکی ہے، بی جے پی جھوٹ بول کر ملک میں حکومت کر رہی ہے۔کشمیر میڈیا کے مطابق ڈگ وجے سنگھ نے جموں میں ایک جلسہ عام سے خطاب کرتے ہوئے کہا کہ مودی حکومت پاکستان میں سرجیکل سٹرائیک کی بات کرتی ہے تاہم وہ اپنے دعوے کے حق میں کوئی ثبوت پیش نہیں کر سکے ۔ انہوں نے کہاکہ بی جے پی جھوٹ بول کر ملک میں حکومت کر رہی ہے۔ انہوں نے 2019کے پلوامہ حملے پربھی مودی حکومت پر تنقید کی جس میں بھارتی سینٹرل ریزروپولیس فورس کے 40اہلکار ہلاک ہو گئے تھے۔ دگ وجے سنگھ نے کہا کہ حکومت نے اہلکاروں کو سرینگر سے دلی بھیجنے کی سی آر پی ایف کی درخواست پر اتفاق نہیں کیاتھا اور اس حملے میں 40 اہلکار ہو گئے۔