کوئٹہ ( اسٹاف رپورٹر)جان محمد روڈ پر ایل پی جی سے دم گھٹنے سے تاجر تین بیٹوں سمیت جاں بحق ہو گیا ۔گاڑی خراب ہونے کے باعث باپ بیٹے دکان کے ساتھ کمرے میں سلنڈر سے ہیٹر جلا کر سو گئے تھے ،ایک ہی گھر میںچار جنازے پہنچنے پر کہرام مچ گیا ۔25روز میں گیس سے نو بیاہتا جوڑے، ڈاکٹر، پانچ بچوں سمیت 13افراد لقمہ اجل بن چکے ہیں۔پولیس کے مطابق سریاب کے علاقے کلی کمالوازبک بازار کا رہائشی تاجر امان اللہ پیر کو اپنے تین بیٹوں حفیظ اللہ ، محب اللہ اور قاری حبیب اللہ کے ہمراہ گاڑی میں جان محمد روڈ صدیقیہ تبلیغی مرکز کے سامنے اپنی دکا ن آیا ،گاڑی خراب ہونے کے باعث شام کو دکان بند کر کے چاروں باپ بیٹے دکان کے ساتھ کمرے میں رک گئے اوررات کوشدید سردی کی وجہ سے ایل پی جی سلنڈرکے ساتھ ہیٹر جلا کر سوگئے۔ کمرے میں آکسیجن کم ہونے کے باعث گیس بھر گئی اوردم گھٹنے سےچاروں باپ بیٹے ابدی نیند سو گئے۔ پولیس نے موقع پر پہنچ کر لاشوں کو ہسپتال پہنچایا، جہاں ضروری کارروائی کے بعد لاشیں ورثا کے حوالے کر دی گئیں۔ایک ہی گھر میں چار جنازے پہنچنے پر کہرام مچ گیا۔ پولیس نے بتایا کہ امان اللہ کا چوتھا بیٹارحیم اللہ منگل کی صبح والد سے ملنے کیلئے دکان آیا مگر دکان بند تھی ،قریبی دکانداروں سے معلومات پر اسے بتایاگیا کہ امان اللہ اور اس کے بھائی دکان کے ساتھ والے کمرے میں سو رہے ہیں۔بیٹا کمرے کا دروازہ بجاتا رہا نہ کھلنے پر پولیس کو آگاہ کیا ۔کمرے کا دروازہ توڑ کر لاشیں نکالی گئیں۔ کمرے میں ایل پی جی سلنڈرپر ہیٹر لگا ہوا تھا اور سلنڈرسے گیس نکل رہی تھی۔ واضح رہے کہ 25روز میں گیس سے نو بیاہتا جوڑے، ڈاکٹر، پانچ بچوں سمیت 13افراد لقمہ اجل جبکہ تین خواتین سمیت سات افراد زخمی ہو چکے ہیں۔
کوئٹہ پشتونخواملی عوامی پارٹی کے صوبائی پریس ریلیز میں حالیہ طوفانی بارشوں ، ژالہ باری ، ندی نالوں میں...
کوئٹہ پاکستان مسلم لیگبلوچستان کے جنرل سیکرٹری ورکن قومی اسمبلی جمال شاہ کاکڑ نے نئے صوبائی وزرا کو اپنے...
خضدار حلقہ پی بی 20 خضدار تھری کے انتخابی عملے کی تعیناتیوں میں مبینہ جانبداری کا الزام،بی این پی کے سربراہ...
کوئٹہ سابق وزیر اعلیٰ نواب ثنااللہ زہری نے کہا ہے کہ بلوچستان کابینہ سے متعلق ناراضگی اور بیرون ملک جانے سے...
کوئٹہ بولان میڈیکل کمپلیکس ہسپتال میں کرپشن اور بدعنوانی کی تحقیقات میں مزید اہم انکشافات سامنے آئے ہیں ۔...
کراچی دبئی میں ہونے والے ”کراٹے کومبیٹ“میں پاکستان اور بھارت کے فائٹرز ہفتے کو آمنے سامنے ہوں گے۔...
اسلام آبادوزیر اطلاعات عطاءاللہ تارڑ نے کہا ہے کہ پی ٹی آئی والے اڈیالہ سے ملک دشمنی کی گائیڈ لائن لے رہے...
اسلام آبادقومی اسمبلی کے اسپیکر ایاز صادق نے اپوزیشن کے ارکان قومی اسمبلی جمشید دستی اور محمد اقبال کی...