1450 کلو گرام منشیات ضبط

اسلام آباد (وقائع نگار) پاک بحریہ، پاکستان میری ٹائم سکیورٹی ایجنسی اور کسٹمز حکام نے شمالی بحیرہ عرب میں ایک مشترکہ انٹیلی جنس اطلاع کی بنیاد پر 1450 کلو گرام منشیات ضبط کرلی۔ کامیاب مشترکہ کارروائی کے دوران سکیورٹی فورسز نے 586کلو گرام آئس کرسٹل اور 864 کلو گرام ہیروئن کی بڑی کھیپ ضبط کی۔ جس کی مالیت بین الاقوامی منڈی میں تقریباً15 ارب روپے ہے۔ گرفتار منشیات فروشوں کو قانونی کارروائی کے لئے کسٹم حکام کے حوالے کر دیا گیا ہے۔ پاک بحریہ، پاکستان میری ٹائم سکیورٹی ایجنسی اور کسٹمز حکام کی انسداد منشیات کی کامیاب کارروائی اس بات کی یقین دہانی ہے کہ پاکستان اپنی سمندری حدود کی حفاظت اور اس میں غیر قانونی سرگرمیوں کی روک تھام کے لئے ہر ممکن اقدام کیلئے تیار ہے۔